ائل سوزی

عارف بخشی
اینجانب عارف بخشی ده روز مانده به آغاز بهار در دامن کوه ه های بلند آوازه ی قره داغ در روستای همیشه سر سبز دیزج صفرعلی از توابع شهرستان ورزقان
که رودخانه های اهر و یاشیل از کنار آن میگذرند و وجود این رودها باعث شده روستا دارای مزارع زیبا و کشاورزی پر محصول داشته باشد
چشم به جهان گشودم
تحصیلات ابتدائی و راهنمائی را در زادگاهم و دبیرستان و تحصیلات دانشگاهی خود را در ورزقان به اتمام رساندم

در معدن مس سونگون مشغول به کار شدم شغل زیبای آتش نشانی را انتخاب کردم
ضمن تلاش عملی و علمی و مطالعه و گذراندن دوره های مختلف آتش نشانی توانستم مدرس دوره های مقدماتی و حرفه ای آتش نشانی بشوم .
بعد از زلزله ی ویرانگر ورزقان که منجر به مصدومیتم شد
بالاجبار به تبریز مهاجرت نمودم .
وبلاگ تورکی شعرلر و تمامی کانال ها و شبکه های اجتماعی با نام eilsuzi جهت حفظ اشعار و نوشته های تورکی توسط اینجانب مدیریت میشود .

پدرم استاد میرزا محمد بخشی از مشاهیر قره داغ می باشد که شاعر و نویسنده ی بزرگی بود که دست نوشته ها و وسایل شخصی شان در موزه استاد شهریار در تبریز نگهداری میشود و کتاب دنیا یورغونی نوشته ی ایشان می باشد .

ساقی شراب گتیر غم ایچنده یم

غم دن اوزاغ اولان صحبت اولایدی

نه شر یارانایدی نه ده بهتان

یاخشیلیخ انسانا صنعت اولایدی

سولمایایدی نه گوزللیک نه پری

انسان سئومییدی پیسلیی شری

بتون کیشی لرده وجدان کسری

جمعی قادینلاردا عصمت اولایدی

بشه اللی دییب یوز گزدیره نین

داغا تپه دییب دوز گزدیره نین

دوستلار آراسیندا سوز گزدیره نین

گوزونده دونیاسی ظولمت اولایدی

بهمنین زامانی هانسی زاماندی؟

ائشیدن عاریفلر تئز منی قاندی

کیشی نین قانیندا غیرت اولایدی.

در روبیکا دنبال کنید و

هر روز چندین ترانه تورکی زیبا ببینید

https://rubika.ir/eilsuzi

گلین ایتیرمیخ دوسلاری قارداش
اونسوزدا چوخ دییر یاخجی دوست سیرداش
دوسلوخ قالاسیننان بیر کرپیش بیر داش
اوچوروب آپاریر هر ساعات هر ایل
بیزیم دوست ایتیرن وقتیمیز دییل

بیر کونول همدمی تاپانا قدر
جان ایوی ایللرله اولور دربدر
وار دولت دنیادا گلیب ده گیدر
هر شیئه گوز یوموب دوستا ایت مئییل
بیزیم دوست ایتیرن وقتیمیز دییل

توتمورسا خاصیت توتمورسا اورک
هاوایی دوز دادیب کسمیک چورک
دوستون هر جورونه قاتلاشیب گرگ
اولاخ یاخشیسینا پیسینه قایل
بیزیم دوست ایتیرن وقتیمیز دییل

دنیانی توتوب ها قالان دییریک
ابدی مسکن ده سالان دییریک
دوستو بیر ده ساتین آلان دییریک
دوستلوقدا هر آنین قیمتینی بیل
بیزیم دوست ایتیرن وقتیمیز دییل

اونسوزدا قیصادیر دونوکدور عومور
طالع بیز دیه نی همیشه دمیر
ای دوست بیز نه داشیق نه ده کی دمیر
اصل دوست یولوندا ایک قات اییل
بیزیم دوست ایتیرن وقتیمیز دییل

جانینی ایسته سه دوستا قربان ده
دردینه چاره قیل اونا درمان ده
دوست سنه چور دئسه سن اونا جان ده
دشمانی دوست ائدیر خوش سوز شیرین دیل
بیزیم دوست ایتیرن وقتیمیز دییل

حافیظ دار آیاقدا دوستا اول دایاق
دوستلوقو مقدس بیر نعمت سایاق
فیتنه فسادلارا محل قویمویاق
چکخ نانکورلارین گوزلرینه میل
بیزیم دوست ایتیرن وقتیمیز دییل

حافیظ باخیش

قره داغ اهلی بیلیر من نئجه دیوانه سی ام

بابکین داش قالاسی، هم نبی کاشانه سی ام

ایسته دیم بیر کره ده سیره چیخام بو ماحالی

آیلارین هیجرانینا سون قویا بلکه وصالی

کؤنلومو چه ن بورویوب دوغما دیاردان آرالی

آخی من خان آرازین قان دولو پیمانه سی ام

قاراداغ اؤلکه سینین گؤر نئجه دیوانه سی ام

سئومیشم زیره سی قار سهرامانی شاه داغینین

باش بولاق اورتا قجللی قارالار یایلاغینی

مرد اگیت میدانینی طُرفه گؤزل اویلاغینی

داغینی اصلانینی سیت قایادان لانه سی ام

قاراداغ اؤلکه سینین گؤر نئجه دیوانه سی ام

منی مفتون ائلیین ورزقانین حیواسی دیر

کیوانین آغ قیزیلی، مینجوانین بوغداسی دیر

بیر کلیبر زغالی، بیرده اهر آلماسی دیر

اوشتبین آغ نارینین قیرمیزی شاهدانه سی ام

قاراداغ اؤلکه سینین گؤر نئجه دیوانه سی ام

بسله نیب تای حضره هر قارا گؤز قیز گلینی

وئرمییب هر اوتن اغیار الینه پاک الینی

وئرمه رم یوز لادانه آی بنیزین بیر تئلینی

گول خانیم نازلی صنم گول پری، گول دانه سی ام

قاراداغ اؤلکه سینین گؤر نئجه دیوانه سی ام

بو ائلین صنعتینه،‌حکمتینه باش اوجادیر

چون جوان عاشیق حسین تک اولو شاعر یارادیب

افتخاریم او مرام عاشیقی صنعت کاریدیر

شاهدین داش اولان اوچ قارداشین افسانه سی ام

قاراداغ اولؤکه سینین گؤر نئجه دیوانه سی ام

سای حساب سیز بیلیرم کئچمیشینین قهرمانی

بیر مثل چون او وطن خادیمی ستارخانی

نبی تک چوخدی بئله خان بیه، قان اود دورانی

عاشیقی هر تکی ام قربانی هر دانه سی ام

قاراداغ اؤلکه سینین گؤر نئجه دیوانه سی ام

شعر گنجینه سی دی اوستاد عاشیق مسکنی دیر

خزرین حجمی قدر فولکلوریندان غنی دیر

شاعرین الهامی گؤم گؤی چمنی، گولشنی دیر

خان چوپان قوشماسی نین اینجه سی دردانه سی ام

قاراداغ اؤلکه سینین گؤر نئجه دیوانه سی ام

صحبت آچدیمسا دییم تئللی سازین قدرتینی

مین کونول لر داشییر معنوی ائل ثروتینی

میللته دیلغمی آتدیقجا آنار قدرتینی

خان کرم مجلیسینین غم ائوی غم خانه سی ام

قاراداغ اؤلکه سینین گؤر نئجه دیوانه سی ام

بیر زمان باسقی ائدیب شاهلیق ائده نلر ائلیمه

خور باخیب دیر بایاتی قوشما گارایلی دیلیمه

او سببدن چکیلیب غم سه گاهین زابلیمه

بیر شکسته قره باغ ماهنی سنین زیل سسی ام

قاراداغ اؤلکه سینین گؤر نئجه دیوانه سی ام

دئیرم بیرده گؤره یدیم او گؤزل چاغلارینی

تویلی بایراملی بوتون کندلی اولماغلارینی

بهمن افسون ائده ن نغمه لی ییغناغلارینی

مرادین چالدیغی اول تئللی سازین شانه سی ام

قاراداغ اؤلکه سینین گؤر نئجه دیوانه سی ام

خالقینا ائتسه ستم ظالیم آغیر گون گوزاران

عکس ائدر ماهنی سینا شعرینه نفرتله اینان

ارتجاع ریشه سینه اودلی قلم ضربه ووران

ستارین سرمایه شعرینده کی تازیانه سی ام

قاراداغ اؤلکه سینین گؤر نئجه دیوانه سی ام

دینله اشعاریمی ای خالقلارا ظلمت توره دن

ایسته ییب هر بیر عوام خلسه سایاق عقلی گؤده ن

بابکین اؤلکه سینه سورسه خلافت یئنی دن

شمشیره ال آپاران شاعره مردانه سی ام

قاراداغ اؤلکه سینین گؤر نئجه دیوانه سی ام

یازانی محمد گلمحمدی

بوگون ائله بیلكی تانیمیر منی
دونن آدام بیلیب ال وردیك لریم
ائوزوموزدن ایراخ دانییر منی
یالین آیاغینا نال وردیك لریم

كیمینه دوست اولدوم قهر گتیردی
ددیم چینیمده گئز یهر گتیردی
الیله سفره مه زهر گتیردی
الیمله آغزینا بال وردیك لریم

كیمینه دوست اولدوم كیمینه آتا
قویمادیم دار گونده او ایته باتا
اینانمازدیم منی ماناتا ساتا
الیمله الینه پول وردیك لریم

قانانا چكه سن زحمت چكنده
قانمازدا ایتمیه بیرجه تیكن ده
گوره سن یولوما تیكان اكنده
خجالت چكیرمی گول وردیكلریم
بهمن وطن اوغلو

گئجه خلوتجه بیزه سئوگیلی یار گلمیشدی
اوزو آیدان دا دورو ، نازلی نگار گلمیشدی
تر آخیب گول یاناغیندان ، بولود اوتموشدی آیی
اونو دشمن می قووب ، گونلو غبار گلمیشدی
اونا من گوز یئتیریب خلوتی باخدیم باخدیم
اوچونون اویلاغینا کورپه شکار گلمیشدی
اویویوب ، هر ایکیمیز راحت اولوب بیر یاتدیق
بختیمین باغچاسینا گوللی بهار گلمیشدی
دئدی گئتمک دمی دیر ، سویله نه ایستر سن یار
بیر اوپوش ایسته دیم ، اوندان یئری وار گلمیشدی
آغلاییب گئتدی او یار ، گوز یاشی یاندیردی منی
اودلارا یاندی دیلیم ، سانکی شرار گلمیشدی
ای نظامی دئدی ، بیردن آییلیب گوردوم او یوخ
دئمه رویاده بیزه چشم خمار گلمیشدی
شعر : نظامی گنجوی

قارتال گوتور منی قاناتلارونان
آپار قره باغی دولاندیر گتیر
سیر ایدک شوشادا جیدیر دوزونی
صونرا کلبجره لاچینا یتیر

چیخاخ خانکندینن بیرآز قیراغا
خوجالیا ساری یول آلیب گیدخ
گوز یاشی آخیدیب بیز بو توپراغا
قربان گیدنلرین روحون یاد ایدخ

اوردان فضولیا آقداما گیدخ
روحوم قاناتلانسین اوچسون بیرآزدا
قبادلودان گیچخ آشاغ آرازی
اوتوراخ دینجلک بیز زنگیلاندا

قارتال او ایللردن آستا کیچ نولار
تلسمه چاتاندا سن جبراییلا
احوالیم دییشر گوزلریم دولار
حسرتله باخاندا من جبراییلا

قارتال مرادیما یتیر سن منی
دویونجا دولانیم گوزل وطنی
ایله کی یئتیشدین سن بیزیم کنده
قانات چال دوره وور یره ین سنده

گزیم او یرلری من قاریش قاریش
اوپوم توپراغینی اوپوم داشینی
اوپوم وطنیمده کیمسه سیز قالمیش
من قریب آتامین مزار داشینی

سون دفعه گورنده نه ساچی آغدی
نه ده کی باخیشی بئله جه غمگین
اوننان آیریلاندا اوشاق اولسام دا
آتاملا بیر یاشدا اولاردیم یقین

کونلوم حسرتینن غبار باغلاییر
هارایلا قوینونا چاغیر قره باغ
آنام تنها قالیب آنام آغلییر
گوز یاشی قلبیمی یاخیر قره باغ
سنسیز یتیم قالدیم آخیر قره باغ

اوغروندا جان ویردی نیچه نیچه ار
فریاد ایت ناله چک باغیر قره باغ
گونش ده اوتانیر چیخماقا سحر
اوتانا اوتانا چیخیر قره باغ

اورییم دویونور هرآن سنینله
حسرتین اولومنن آغیر قره باغ
سینمه داغ چکدین اوز اللرینله
قالمیشام کیمسه سیز فقیر قره باغ
سنسیز یتیم قالدیم آخیر قره باغ

آتام غمگین غمگین سویوخ مزاردان
یوللارا بویلانیر باخیر قره باغ
اولوب دیریلریم یوز یول عذاب دان
اوتانج اورییمی سیخیر قره باغ
سنسیز یتیم قالدیم آخیر قره باغ
یازار النور قراری

بو کلک دن کی فلک خلقه قوروب
عشق بوینون یئنه حسرتله بوروب
گورورم داغ کیمی قارشیمدا دوروب
منی مندن آییران آیریلیغی
ریشه مه تیشه ووران آیریلیغی

یار گیدیرکن یاریلیر یارلیغیمیز
باشلانیر هجریده بیمارلیغیمیز
بیزه دار دوستاق اولور وارلیغیمیز
بورداکی عشق دانیر آیریلیغی
ائل ندن قبله سانیر آیریلیغی

یاری یاردان آییرانلار من اولوب
بیزه بیزسیزلیگیمیز دوشمن اولوب
گوز یاشیم دریالارا دامن اولوب
سئل اولوب کاشکی یووام آیریلیغی
دوشمنه قارشی قووام آیریلیغی

قویالار قوت آلام قوللاردان
آییرام آیریلیغی یوللاردان
یازا یاردیم توردم خوللاردان
قیرام ارکانی یالان آیریلیغی
یوردوما کولگه سالان آیریلیغی
سحر خانم اردبیل دن

قوشلار قوشلار آ قوشلار قارانقوشلار آ قوشلار

چه چه وورون هاوادا گاه یئرده گاه یووادا

قونون بو تک بوداغا چوخ گئتمه یین اوزاغا

آ قوشلاریم گئتمه یین منی غمگین ائتمه یین

قوشلار نئچون گئدیرسیز یوخسا کی سئیر ائدیرسیز

بیر سس گلیر اوزاقدان ائشیدیرم بایاقدان

قیش گونلری یاووق دیر سیزین یئرلر سویوقدور

وار ایستیجه اؤلکه لر قیشدا سیزه خوش گلر

صبر ائله قوی یاز اولسون بیر قار یاغیش آز اولسون

سوقات گتیرر قوشلار بیزه گؤزل ماهنی لار

- - - - - - - - - - - - - - - - - - - - - - - - - - - - - - - - -

سن گلنده قرنقوش بو ایللره یاز گلیر

دالینجا قطار قطار دورنا گلیر قاز گلیر

گیتمه اوزاق قرنقوش سینه سی آق قرنقوش

چوخ اولکه لر گزمیسن اوخو نغمن شیرین دی

دنیادا ان گوزل یئر اوز یوانیز یئریزدی

خوش گلمیسن قارانقوش قالمیشدیم نگران قوش

یاز قوشو سن گلنده آچیر نرگیس یاسمن

نغمه دولور قلبیمه سوز قوشورام یازا من

قرنقوش آی قرنقوش گورمه شخته بوران قوش

ئوز آنا يوردومنان سؤز آچيرام من

قــــهرمان يـوردولودور آذربايجانيم

تــــوپراقي داشلاري باسيلماز قلعه

بــــاغچالي بــــاغليدور آذربايجانيم

ســــتّارخان باقرخـــان ياديگاريدي

ايـــــــران باستانين هاي هارايدي

اســـــلامين قــــرآنين سرايداريدي

آيــــــدين اوجاقليـــدور آذربايجانيم

شانــــلي قهرمانلار بيزيم يئريندي

قــــــــاضي خياباني بيزيم يئريندي

مينلر باكـــــــري‌لر بيزيم يئريندي

قوچاق اوغلانليـــدور آذربايجانيم

اردبيل مشگيني شــانـــلي اهري

مغان قـــره‌داغي هر تك‌تك يئري

ستارخان اؤلمييوب ديريدور ديري

قديم سراغليـــــــدور آذربايجانيم

قوش قونماز داغلاري بارلي باغلاري

سنگردن قاييتماز تورك اوغلانلاري

نبي كور‌اوغلو تك هاي هارايلاري

معدنلي كانليــــــدور آذربايجانيم

نظامي خـــاقاني بو ئولكه‌نين دي

شهريار شيدالار بو ئولكه‌نين دي

تاريخ يازان دوستي بو ئولكه‌نين دي

شاعر يغيناغليــدور آذربايجانيم

باسيلماز قلعه‌لـــــر نشانه‌‌‌سي وار

مين جورقهرمانليق حماسه‌سي وار

«بخشي»‌نين يوردونا خوش نغمه‌سي‌ وار

شوكتلي شانليـــدور آذربايجانيم

قوچ ايگيت‌لر بسليبدور
بيزيم ائللر بيزيم ائللر
آزادليقي ايسديبدور
بيزيم ائللر بيزيم ائللر

اونون هر بير بوجاقيندا
آتا بابا اَُجاقيندا
مين قهرمان قوجاقيندا
بسليبدور بيزيم ائللر

تبريزيم اودلار دياري
اوردا وار غيرت داماري
جنّت اولار هر بهاري
بيزيم ائللر بيزيم ائللر

قره داغی شانلي دیار
آذربايجانا افتخار
مينلرله ايگيت اوغلانلار
بسليبدور بيزيم ائللر

هر اولادي انسان تَكين
محروملارين وار كمكي
قوچ كوراوغلونی بابكي
بسليبدور بيزيم ائللر

فضولي واقف واحدي
ستارخاني باقرخاني
شهرياري هم شيداني
بسليبدور بيزيم ائللر

سهندي وار سبلاني
«منفردين» ديلده آدي
«دوستي» تاريخلار استادي
بسليبدور بيزيم ائللر

قوي گتيريم «بارز» آدين
«بخشي» كيمين قوجامانين
بسليبدور بيزيم ائللر
سيزه قربان ئوزوم ائللر

یازان استاد میرزا محمد بخشی

آی سنی باغ ییئه سی منده دوروب باغ گزیرم
انجیرین وقتی کیچیب عیب ایله مز نار گزیرم

من منیم سنده منیم من بیلیرم نئیلیرم
وار کی وار آختاریرام دخلی کیمه وار گزیرم

قیشدا یازدان اوتری خیففت ائدیب غم یئمیشم
یاز گلیب یانقیمی سوندورمغ اوچون قار گزیرم

یاری سیندان یاری یان کیمسه لره عشق اولسون
یاریماق عشقی ایله من هله ده یار گزیرم

بیلمه دی کیمسه باشیمنان نه دومانلار کیچدی
ایله ظن ایله دیلرکی اوشاقام شار گزیرم

سنه مین رحمت اولا ای جانیمین جانی آنا
لای لامی سن نیجه چالدین کی من آغلار گزیرم

یام یاشیل یارپاغیدیم سولدوم ایاقلار آتدا
یئل ووروب یئنگه لری اوینویان باغلار گزیرم

آلا داغلار قارا داغلار اوجادیلار بیلیرم
داغلاریملا یاناشی دورماغا داغلار گزیرم

بالاجا باب بالاجا بیر اورئییم واردی منیم
او کئچن چاغلاریمی الده چراغلار گزیرم

واقیف اصلان هر اورکده اویویور بیر اصلان
قاز ووروب قیز گتیرن سئودالی چاغلار گزیرم
شعری یازان واقیف اصلان

شعر سن سیز نظامی گنجوی

هر گئجه م اولدي كدر،غصه فلاكت سنسيز
هر نفس چكديم هدر گئتدي او ساعت سنسيز
سنين اول جلب ائليين وصلينه آند اولسون اينان
هيجرينه ياندي جانيم يوخ داها طاقت سنسيز
باشقا بير ياري نئجه آختاريم اي نازلي ملك
بيلميرم سنده دئدين يوخ يارا حاجت سنسيز
سن منيم قلبيمه حاكيم سنه قول اولدي كؤنول
سن عزيزسن من اوچون من هئچم آفت سنسيز
نه گؤزوم وار آراييم من سني بختيمده كي يوخ
نده بير قاچماغا وار منده جسارت سنسيز
سن نظامي دن اگر آرخاين اولساندا كؤنول
گئجه گوندوز آراييب اولمادي راحت سنسيز

باخدیم دالیسیجا یار گئدنده
بیر یولدا دئدیم باخار گئدنده

باخدی قاپیدان گئچنده گولدو
بیلمیردی اوره‌ک‌ اومار گئدنده

باغلاندی دیلیم اوره‌کدن آمما
آز قالدی چئکم هاوار گئدنده

گئتمه، گئدیسن ؟ یاواش یاواش گئت
جانیم بیلیسن چیخار گئدنده؟

دؤندر گؤزونو، خومار – خومار باخ
قویما منی ده، خومار گئدنده

سنسیزلیگه دؤزمه‌گیم چتیندیر
گل جانیمی آل قوتار گئدنده

سندن سورا عشقی نئیلیرم من
آل عشقینی ده آپار گئدنده

مهر ایله نوازش ائیله بلکه
گول بیتسین اوره‌کده، قار گئدنده

من گؤر نه دئییردیم اؤز اؤزومله
قول بوینوما بیر سالار گئدنده

بیچاره اوره‌ک بولود کیمین دیر
گؤردوکجه سنی دولار گئدنده

دای « جعفری » بسدی شعر یازماق
سندن ده بیر آد قالار گئدنده …

کیم چئگنینه آلدی سالدی خلعت
سؤز اوستادی، شهریار گئدنده

شعر از استاد هوشنگ جعفری

هر زامانكي باخيرام باشينا قار وار گؤرورم

اوغلو اؤلموش آنا تك گؤزلرين آغلار گؤرورم

هر طرفدن چكيليب سينه‌وه داغلار گؤرورم

آي آلان اوستونو غم چيسگيني، هر ياني دومان

آي ياغان باشينا غملر اودو، ياسلي ساوالان

گؤرموشوك يازدا كؤچك ­لرده چيچكلر آچيلار

هر طرفدن چيمنين سينه ­سينه گول ساچيلار

ماهني­لار قوشماغا باشلار يئنه ­ده قوشماچيلار

ياز گليب گئتدي يئنه گولمه ­دين اوچ آيدا بير آن

آي ياغان باشينا غملر اودو، ياسلي ساوالان

قرنيلر كئچدي سنين گولمه ­دي بير لحظه اوزون

قانلي ياش تؤكدو سارالميش اوزونه ياشلي گؤزون

غصّه­ دن دؤندو قارانليق گئجه اولدو گونوزون

نه سوران حاليني اولدو نه وئرن جيسميوه جان

آي ياغان باشينا غملر اودو، ياسلي ساوالان

آند وئررم سني او قانه بلنميش داشيوا

گئجه-گوندوز او گؤزوندن تؤكولن قان یاشيوا

اورگين درديني بيلدير او «سهند» قارداشيوا

سني وارليق- سني تانري- سني بو آه­ و فغان

آي ياغان باشينا غملر اودو، ياسلي ساوالان

سالارام ياديما بير لحظه او كئچميش­ لريوي

تؤكولن سنگ جفائيله او دورر ديش لريوي

ايزلرم بير بير او حئيرت يارادان ايش لريوي

هامي­دان من سنين احوالينا آرتيق نيگران

آي ياغان باشينا غملر اودو، ياسلي ساوالان

ساكيت اول، آغلاما قوي بيرجه چكيلسين بو دومان

گون چيخيب ظولمتي بير يوللوقا قووسون بورادان

«نبي» گلسين، بوز آت اولسون يئنه داغلار آتيلان

«هجر»ين بلكه ييغيلسين گؤزو يولدان، آناجان

آي ياغان باشينا غملر اودو، ياسلي ساوالان

سؤندوره بيلمه­ دي گؤز ياشين اور­كدن اودووي

چاغيريم قوي كؤمك ائتسين سنه اؤز اؤولاديوي

افتخاريله بوگون ذيكر ائده ­رم پاك آديوي

مرد اوغوللار بئجريب خلقه وئرن شؤهرت و شأن

آي ياغان باشينا غملر اودو، ياسلي ساوالان

«بابكين»گئتدي سه بوش قالمادي آمما قوجاغين

دولودور مين ائله اوغلان لاريلا هر بوجاغين

نه قد‌ر يئل اسه طوفان قوپا سؤنمز اوجاغين

اي بلالر سپري، خالقا يامان گونده آمان

آي ياغان باشينا غملر اودو، ياسلي ساوالان

چنلي بئلده «د­لي ­لر» قوي يئنه قورسون بوساطي

قوچ كوراوغلو يئنه جولانه گتيرسين قيرآتي

هئچ زامان اصلين ايتيرمز او كي دوزگوندو ذاتي

آند اولا آديوا، آي گؤزلري آغلار- ياشي قان

آي ياغان باشينا غملر اودو، ياسلي ساوالان

سن دؤيوش لرده بير آسلان كيمي دوردون آياغا

اوخ آتيل ديقجا بيزه سينه­ ني وئردين قاباغا

غم يئمك دن داها جانيم يئتيشبدير دوداغا

نه يامان گونلره گؤر قالدي بو احساسلي بالان

آي ياغان باشينا غملر اودو، ياسلي ساوالان

بابالاردان بيزه قالميش بو مثل هاممي بيلير

سو گلن آرخا دئييب لر يئنه بيرگون سو گلر

فلكين داش اورگين آه اوخو آخيردا دَلر

«بارز» اوغلون دا يئتر سئوديگي ياره او زامان

آي ياغان باشينا غملر اودو، ياسلي ساوالان

مرحوم استاد بارز

ندن اول بت پريوش داخي بير بويانه گلمز

مگر اول خرابه يرده ن اوسانيب جزانه گلمز

نه قيليم ائديم نه چاره -او نگار نازنينه

اويانيب جهان سوزونده ن اوزي بير عيانه گلمز

دوشنيب عبیر زولفون نه خمار  ياناغين اوزره

نيه بس او قارقي ساچين اوزانيب دابانه گلمز!؟

باشينا دونيم دولانيم او بويون قاداسين آليم

نيه او ايكي چشم مستين اوخي بو نشانه گلمز

گوجيلن ده ئيل عزيزيم بو شهاب عشقدير-عشق

کی او برگ نخل ايمن هر اودون ييغانه گلمز

هاني بس گوره ن  نه اولدي مني دردي غم توكتدي
نيه گلمدي يوباندي نه ائديب بهانه گلمز

سر كوي ياره گئتميش يئنه قان اوچون "نباتي"

او بلالي عاشيق ايندي باتيب آل قانه گلمز

اولماز اولماز

ساحیل ساکیت , چکیلیبدیر ایاقلار

جوشان دالغا قایالاری قوجاقلار

دیینده کی , گل قایقله گزک یار

چکیب قارا قاشلارینی ندن سن

اولماز اولماز اولماز اولماز دئیرسن

آی اوجالیب گئجه اولوب تن یاری

اینین نازیک اسیر دنیز روزگاری

اوشویورسن بیر یاخینا گل باری

قضب لنمیش الوودان دون گییرسن

اولماز اولماز اولماز اولماز دئیرسن

صوبح شفقی بوروینده عالمی

توکولنده , چیچکلرین شبنمی

دیینده کی چاتدی آیریلیق دمی

بوراخماییب , اللریمی ندن سن

اولماز اولماز اولماز اولمازدئیرسن

ای گول نه عـجـب سلسله ی مشک تـرین وار

ای گول! نه عـجـب سلسله ی مشک تـرین وار!

وی سرو! نه خوش جان آلیجی عشوه لرین وار!

آغیـتـدی بـنـی آجـی سـؤزون ، تـنـد نـگـاهـیـن

ای نـخـل مـلاحـت! نـه بـلا تـلـخ بـریـن وار!

پئیکانلاری ایـلـه دولـودور چـشـم پـر آبـیـم،

ای بحر! سانیرسان سنین آنجاق گهرین وار؟

اول سنگدله ناله ی زارین اثر ائتمیش،

ای دل سنه بـوذؤوق یئتر تا اثرین وار.

عشق ایچره کؤنول دئمه کی من بیخودم آنجاق،

ای غافیل! ئوزوندن سنین آنجاق خبرین وار!

چوخ باخدیغی نین غمزه ایله باغرین اوزرسن،

هر کیمه کی باخمازسان، اونونلار نظرین وار!

عشق اهلینه اول ماه ، فضولی! نظر ائتمیش،

سن هم ئوزونو گؤستر، اگر بیر هنرین وار!

سونگون شعری
توپراغی قیزیللی داغلی معدنلی
دورناگوز بولاخلار اخار سونگونده
انقلاب قوزویان صنعت اللری
دان اولدوزی کیمی شاخار سونگونده
بهاردا بورونر یاشیل اورپه یه
داغلاری بنفشه دره سی قیزیل
یرلرده گل چیچک عطرلر سپور
مس معدندن سو تک آخار سونگونده
اوجاباش داغینین زیرولرینده
شفقلی صنعتین شرف لاله سی
یورولماز صنعتگر اوز قویوپ تمام
خدمت کمرینی باغلار سونگونده
گارگرلر وران کلنگون سسی
حیات نغمه سیدی ایل نغمه سیدی
آرازا قووو شان آخارچایلار تک
مس قیزیل قایناشوب داشار سونگونده
فرهاد تک کلنگی سسسلنیر داغدا
گوزلری آختاریرداشلاردا مسی
ساختمانلار قوروپ یوندوغی داشدان
باخانین اورگین آچار سونگونده
صنعتین نعمتین چاتدیریر بیزه
وطنی جومدورور قیزیلا میسه
شمشک تک پارلاشیر جوان مهندس
یومروغون دشمنه وورار سونگونده
قارانلیق گیجه ده زاغه ایچینده
یارار پارچالیارآغیر قیه لر
گوندوز اوداشلاری ییغیب داشیار
معدندن ایشیگه سالار سونگونده
اصلان تک سیندیریب پاسلی قفسی
شیر کیمین داغلاری یاریر کارگر
زیروه لرده گزن جیران ماراللار
بولدوزیر سسینه قاچار سونگونده
اودلار دیارینا باغلی اولان داغلار
وطن توپراغین رنگین آچیپدی
بو داغلاردا اولان او الوان میسلر
قیش گونونده آچیپ باهار سونگونده
محبت یولونی چکیب مهندس
گلمیشیخ هامیمیز بو یولدان قوناخ
قایالار سوکولوپ دره لر دولوپ
ماشینلار طرلان تک اوچار سونگونده
من شاعیر اوغلوندا قوناخ گلمیشم
بو صنعت هنرین دوغروسون گورم
آیدینلیق گولونده شعرینن اوزم
دیم کی هر عارف یاتار سونگونده
گورورم معدنده چوخ شانلی هنر
شادلانور مهندس قوچاخ کارگر
بخشی آرزو ایلر هر آخشام سحر
پیروزلوخ پرچمی شاخار سونگونده
شعر از میرزا محمد بخشی ورزقان