ائل سوزی

گون گله‌جک من اؤلنده، چوخ دوداق‌لار بوزوله‌جک

«حاییف» دئیه گؤز یاشلاری یاناق‌لاردان سوزوله‌جک

قاتار-قاتار میصراعلاریم دوداق‌لاردا دوزوله‌جک

آیریلیغیم چوخ اوره‌یی چارین-چارپاز داغلایاجاق

بس سنه کیم آغلایاجاق؟

مجنون اولوب قالاسی‌یام، محبّتین چؤلونده من

حسرت‌لره دؤنه‌سی‌یم عشق اهلی‌نین دیلینده من

چینار اولوب بیته‌سی‌یم زامانلارین یولوندا من

هئیکل‌له‌نن عؤمروم-گونوم عصیرلری حاقلایاجاق

بس سنه کیم آغلایاجاق؟

چوخ گزمیشم دوستلاریم‌لا بو داغلارین اته‌یینده

مین-مین اؤلمز خاطیره‌م وار هر گولونده، چیچه‌یینده

نیسگیل‌لریم چالیندیقجا چوبان‌لارین توته‌یینده

یولدان اؤتن هر یولچونو ایختیارسیز ساخلایاجاق

بس سنه کیم آغلایاجاق؟

بیر کؤز کیمی اته‌یینده ساخلار منی داییم، کولوم

هر باهاردا چیچک آچار، هر پاییزدا سولان گولوم

بوینون اَیَن بنؤوشه‌لر، آغلار منه ظولوم-ظولوم

منیم آرزوم خالقین عشقی، سن قیردیقجا تاغلایاجاق

بس سنه کیم آغلایاجاق؟

من عشقدن یارانمیشام جان باغیشلار یارا، یار دا

باخ گؤر نئچه «نسیمی» تک بابالاریم قالدی داردا

«کرم‌»لریم اودا یاندی، «له‌له‌»لریم قالدی قاردا

واخت گله‌جک آه-آمانیم هیجران یولون باغلایاجاق

بس سنه کیم آغلایاجاق؟

پارچالانمیش اورک قانیم اولدو مزه‌ن، آغیز دادین

نسیل-نسیل بو نیفرتی داشییاجاق موردار آدین

تاریخ بویو ویصالیمی، سئوینجیمی اوغورلادین

اوغورلانان سئوینجیم ده "ستار" دئیب آغلایاجاق

بس سنه کیم آغلایاجاق...؟

✍🏻 ستار گل‌محمدی

کانال تلگرام ائل سوزی

قارتال گوتور منی قاناتلارونان
آپار قره باغی دولاندیر گتیر
سیر ایدک شوشادا جیدیر دوزونی
صونرا کلبجره لاچینا یتیر

چیخاخ خانکندینن بیرآز قیراغا
خوجالیا ساری یول آلیب گیدخ
گوز یاشی آخیدیب بیز بو توپراغا
قربان گیدنلرین روحون یاد ایدخ

اوردان فضولیا آقداما گیدخ
روحوم قاناتلانسین اوچسون بیرآزدا
قبادلودان گیچخ آشاغ آرازی
اوتوراخ دینجلک بیز زنگیلاندا

قارتال او ایللردن آستا کیچ نولار
تلسمه چاتاندا سن جبراییلا
احوالیم دییشر گوزلریم دولار
حسرتله باخاندا من جبراییلا

قارتال مرادیما یتیر سن منی
دویونجا دولانیم گوزل وطنی
ایله کی یئتیشدین سن بیزیم کنده
قانات چال دوره وور یره ین سنده

گزیم او یرلری من قاریش قاریش
اوپوم توپراغینی اوپوم داشینی
اوپوم وطنیمده کیمسه سیز قالمیش
من قریب آتامین مزار داشینی

سون دفعه گورنده نه ساچی آغدی
نه ده کی باخیشی بئله جه غمگین
اوننان آیریلاندا اوشاق اولسام دا
آتاملا بیر یاشدا اولاردیم یقین

کونلوم حسرتینن غبار باغلاییر
هارایلا قوینونا چاغیر قره باغ
آنام تنها قالیب آنام آغلییر
گوز یاشی قلبیمی یاخیر قره باغ
سنسیز یتیم قالدیم آخیر قره باغ

اوغروندا جان ویردی نیچه نیچه ار
فریاد ایت ناله چک باغیر قره باغ
گونش ده اوتانیر چیخماقا سحر
اوتانا اوتانا چیخیر قره باغ

اورییم دویونور هرآن سنینله
حسرتین اولومنن آغیر قره باغ
سینمه داغ چکدین اوز اللرینله
قالمیشام کیمسه سیز فقیر قره باغ
سنسیز یتیم قالدیم آخیر قره باغ

آتام غمگین غمگین سویوخ مزاردان
یوللارا بویلانیر باخیر قره باغ
اولوب دیریلریم یوز یول عذاب دان
اوتانج اورییمی سیخیر قره باغ
سنسیز یتیم قالدیم آخیر قره باغ
یازار النور قراری

ئوز آنا يوردومنان سؤز آچيرام من

قــــهرمان يـوردولودور آذربايجانيم

تــــوپراقي داشلاري باسيلماز قلعه

بــــاغچالي بــــاغليدور آذربايجانيم

ســــتّارخان باقرخـــان ياديگاريدي

ايـــــــران باستانين هاي هارايدي

اســـــلامين قــــرآنين سرايداريدي

آيــــــدين اوجاقليـــدور آذربايجانيم

شانــــلي قهرمانلار بيزيم يئريندي

قــــــــاضي خياباني بيزيم يئريندي

مينلر باكـــــــري‌لر بيزيم يئريندي

قوچاق اوغلانليـــدور آذربايجانيم

اردبيل مشگيني شــانـــلي اهري

مغان قـــره‌داغي هر تك‌تك يئري

ستارخان اؤلمييوب ديريدور ديري

قديم سراغليـــــــدور آذربايجانيم

قوش قونماز داغلاري بارلي باغلاري

سنگردن قاييتماز تورك اوغلانلاري

نبي كور‌اوغلو تك هاي هارايلاري

معدنلي كانليــــــدور آذربايجانيم

نظامي خـــاقاني بو ئولكه‌نين دي

شهريار شيدالار بو ئولكه‌نين دي

تاريخ يازان دوستي بو ئولكه‌نين دي

شاعر يغيناغليــدور آذربايجانيم

باسيلماز قلعه‌لـــــر نشانه‌‌‌سي وار

مين جورقهرمانليق حماسه‌سي وار

«بخشي»‌نين يوردونا خوش نغمه‌سي‌ وار

شوكتلي شانليـــدور آذربايجانيم

آی سنی باغ ییئه سی منده دوروب باغ گزیرم
انجیرین وقتی کیچیب عیب ایله مز نار گزیرم

من منیم سنده منیم من بیلیرم نئیلیرم
وار کی وار آختاریرام دخلی کیمه وار گزیرم

قیشدا یازدان اوتری خیففت ائدیب غم یئمیشم
یاز گلیب یانقیمی سوندورمغ اوچون قار گزیرم

یاری سیندان یاری یان کیمسه لره عشق اولسون
یاریماق عشقی ایله من هله ده یار گزیرم

بیلمه دی کیمسه باشیمنان نه دومانلار کیچدی
ایله ظن ایله دیلرکی اوشاقام شار گزیرم

سنه مین رحمت اولا ای جانیمین جانی آنا
لای لامی سن نیجه چالدین کی من آغلار گزیرم

یام یاشیل یارپاغیدیم سولدوم ایاقلار آتدا
یئل ووروب یئنگه لری اوینویان باغلار گزیرم

آلا داغلار قارا داغلار اوجادیلار بیلیرم
داغلاریملا یاناشی دورماغا داغلار گزیرم

بالاجا باب بالاجا بیر اورئییم واردی منیم
او کئچن چاغلاریمی الده چراغلار گزیرم

واقیف اصلان هر اورکده اویویور بیر اصلان
قاز ووروب قیز گتیرن سئودالی چاغلار گزیرم
شعری یازان واقیف اصلان

سونگون شعری
توپراغی قیزیللی داغلی معدنلی
دورناگوز بولاخلار اخار سونگونده
انقلاب قوزویان صنعت اللری
دان اولدوزی کیمی شاخار سونگونده
بهاردا بورونر یاشیل اورپه یه
داغلاری بنفشه دره سی قیزیل
یرلرده گل چیچک عطرلر سپور
مس معدندن سو تک آخار سونگونده
اوجاباش داغینین زیرولرینده
شفقلی صنعتین شرف لاله سی
یورولماز صنعتگر اوز قویوپ تمام
خدمت کمرینی باغلار سونگونده
گارگرلر وران کلنگون سسی
حیات نغمه سیدی ایل نغمه سیدی
آرازا قووو شان آخارچایلار تک
مس قیزیل قایناشوب داشار سونگونده
فرهاد تک کلنگی سسسلنیر داغدا
گوزلری آختاریرداشلاردا مسی
ساختمانلار قوروپ یوندوغی داشدان
باخانین اورگین آچار سونگونده
صنعتین نعمتین چاتدیریر بیزه
وطنی جومدورور قیزیلا میسه
شمشک تک پارلاشیر جوان مهندس
یومروغون دشمنه وورار سونگونده
قارانلیق گیجه ده زاغه ایچینده
یارار پارچالیارآغیر قیه لر
گوندوز اوداشلاری ییغیب داشیار
معدندن ایشیگه سالار سونگونده
اصلان تک سیندیریب پاسلی قفسی
شیر کیمین داغلاری یاریر کارگر
زیروه لرده گزن جیران ماراللار
بولدوزیر سسینه قاچار سونگونده
اودلار دیارینا باغلی اولان داغلار
وطن توپراغین رنگین آچیپدی
بو داغلاردا اولان او الوان میسلر
قیش گونونده آچیپ باهار سونگونده
محبت یولونی چکیب مهندس
گلمیشیخ هامیمیز بو یولدان قوناخ
قایالار سوکولوپ دره لر دولوپ
ماشینلار طرلان تک اوچار سونگونده
من شاعیر اوغلوندا قوناخ گلمیشم
بو صنعت هنرین دوغروسون گورم
آیدینلیق گولونده شعرینن اوزم
دیم کی هر عارف یاتار سونگونده
گورورم معدنده چوخ شانلی هنر
شادلانور مهندس قوچاخ کارگر
بخشی آرزو ایلر هر آخشام سحر
پیروزلوخ پرچمی شاخار سونگونده
شعر از میرزا محمد بخشی ورزقان

زندگی نامه ی «استاد میرزا محمّد بخشی»

   ادیب گرانمایه،زنده یاد استاد «محمّد بخشی» از شاعران خطه ی نادره پرورآذر بایجان، انسانی روشن ضمیر، خوش خلق و متواضع بود که درسال «1308»هجری شمسی، در روستای « دیزج صفر علی» در حدود دو کیلومتری شمال شرقی شهرستان ورزقان چشم به جهان گشود.

   طبیعت بکر و موزون ارسباران از وی انسانی رئوف و شاعری 

بلند آوازه ساخت.اکثر اشعار استاد بخشی به زبان شیرین ترکی و درقالب های ادبی این زبان مانند «قوشما» ، «چارپاره» ، «مخمّس» ، «غزل» و ...و با شیوه ای دلنشین،ساده و روان سروده شده است.در کنار این دهها غزل،مثنوی و رباعی به زبان فاخر فارسی از ایشان به یادگار مانده است.سطح بالای مطالعات و معلومات استاد بخشی، دست خط زیبا وهنری ایشان،بیان دلنشین و شیوا و هم چنین سیمای جذاب و ذوق و استعداد خدادادی ، از ایشان شخصیتی جذاب و به یاد ماندنی در میان عوام وخواص ساخته اند.گلچینی از اشعار استاد، با عنوان «دونیا یورغونی» در 292 صفحه به زبان ترکی در قطع وزیری در سال نود ویک توسط انتشارات اختر در تبریز به چاپ رسیده است و مورد استقبال بی نظیر اهالی علم و ادب قرار گرفته است. 

   استاد محمد بخشی در چهارمین روز فصل برگ ریزان سال 88 ، همزمان با مهاجرت پرستوها در بیمارستان امام رضا (ع) شهر تبریز به جوار رحمت الهی کوچ کرد وبنا به وصیّت خویش در زادگاهش به خاک سپرده شد.

سوسنلی سونبوللی گوللی میشه لی هر یرده دییلر آد ین قـــره داغ

ایگیدین مـــــــرد اولی اوبان وفالی بیرلشیب ایل اوبان یادین قــره داغ

مرکز اوزومـــــــــــــدل اولوب ورزقان آرپاسی بوغداسی مرجیسی تالان

هــــر ییره پایلییر یرالما سوغــــــــان گورمه لیدور هر اویااغین قــره داغ

ورزقــــــــــــانین یانی دیــــزه لللی چوللی بنفشه لی گوللی چیچکلی

صومـــــــدیل جوانی الی صــــــنعتلی باش قوزاییپ بوغدا داغین قره داغ

پیر سقـــــــادان آخیر اهرین چــــــایی تمام گول چیچکدی بهـــاری یایی

کامتالین داغینــــــــدا وار مومـــــیایی او اولاللار اوچــــــولارین قــره داغ

ایل اوـــــان بزییر ییـــلاقی داغـــی جننت اوخشویار ایرینین باغـی

اوخـــاریا گلسن سن آخشـــام چاغی اوزه گولر آلــــــمالارین قـــره داغ

کاســـــــینین کوشنی بهشــــته بنزر گویجه سلطان یرین آغ قویون بزر

ورزقـــان یرینده آت گامیش گــــــزر وار ساری قایماخدا دادین قره داغ

سنین اصلـــی آدیــن واردی کـــارا داغ مخــفف ادیپــــلر اولـــوپ قره داغ

چـــولـونده بوز سوری قـــولاغینــدا داغ چریشلرده ســـاری یاغین قره داغ

بیــــر تاریخدی سنه جوشون قلعه سی خویناری اوستونده وار قیز قالاسی

الینـــده مسلسل ستــــــار بالاســــی قوچـــــاخدیر هر بیر اولادین قره داغ

اون سگیز محالسان چوخ آدلی سانلی بوغدالی یونجالی معدنلی کانلی

ایللـــــــرین یاشیر شهرتلی شانلـــی هر یانا پایلانیر بالین قره داغ

کلیبر اوستونــــــــــده بابک قالاســی ایگیدلر یوردودی وار تماشاسی

دوشونـــــــده آرپیچی بابک قالاســـی دوشمنلرین توکدی قانین قره داغ

سبلان سهندین آدی ســــــــانی وار سرعینن آخان سویون دادی وار

دره لر ده بال قوطوســـــــی بالی وار مشهوردی سبلان بالین قره داغ

دیزمار بیر محالدی باغی میوه ســـی داغلاریننان گلیر کهلیگین سسی

اوچــــولار گـــــودللر اوون بره سین شر شر آغار آراز چایین قره داغ

خــــــدافرین سنه بویوک دایاخـــدیر مرز ده کی ایگیدلرین قوچاخدیر

سنــــتده یاشایانلار دایـم اویاخــدیر قویماز گوله قانلی یاغین قره داغ

اوشتوبوندن گلیــــر گردکان یوکــــی مردانقیم انجیر ویریر سیل کیمی

داغلارینــــــدا گزیـــر اوو ایکی ایکــی گول چیچکدیر درن داغین قره داغ

مغانین غله ســی قویونی یاغــــی پنیری قـــورودی قاتیخ قایماغـــی

امـــلیک قوزولاری چمنـــی باغـــی اولــــوپ سنین افتخارین قــــره داغ

پامبیغی پایلانیر تبریـــــز تهرانــــــــا جــــــواب ویریر بوغــــدا اونی ایرانا

تراکتوررار هارای سالیــــــر هریانــا آباد ایدر کشت کارین قره داغ

مواضخان ماحالی بویوک جلگه دی خواجه سی سرندی آباد اولکه دیر

نهندی هیقی چوخ سویملــــی دیر یادگاردی داغین داشین قره داغ

حسنـــو محالی گوللی میشه لـــی پامبیخلی دویلی تر بنفشه لی

ماراللار یوردودی نازلــی عشوه لــی چوخلی سوور اوز ایرانین قره داغ

زمستانیـــن دوندی بــــاهارا یازا گوزلین باتیبدی عشویه نازا

بخشی شرمندن دور سنه شعر یازا واردی سنین مین اوصافین قره داغ

شعر رحمتلیک استاد میرزا محمد بخشی دن