خاری بولبول
ساری بلبل یا خاری بلبل هاواسینین تاریخچه سی نمنه دی ؟
آغا بئييم آغا , قاراباغ خانی ابراهيم خليل خان جوانشیرین قيزی ايدی
شوشا دا آنادان اولموشدو
آتاسی اونو گویلو اولمویا اولمویا فتحعلی شاها اره وئرمیشدی
اونا خاطیر توی گونو قران آیه لرینن یازیلی کوینک تیکدیریب طوی لباسینین آلتیننان گیمیشدی کی بلکه فتحلی شاه بو سئودادان ال چکه
آغا بئیمین بو شعری بو عشقین بیر طرفه اولماقین دا نشان ویریر کی عمرونون سون ایللرینده تهراندا یازیب
هیچ بیلمه دیم عمروم نیجه گلدی نیجه گیتدی
حیف کی جوان عمروم هیچه گلدی هیچه گیتدی
حاجی بویوموش بس نیه هاجر حاجا گیتدی
افسوس کی یاریم گیجه گلدی گیجه گیتدی
و بیر شعرده یازیر
عزیزیم قره باغ
شکی شیروان قره باغ
تهران جنته دونسه
یاددان چیخماز قره باغ
فتحلی شاه چوخ تلاش الییر آغا بئییمین اورگین اله گتیره اونا خاطیر آغا بئییم خانم نمنه ایسته سیدی شاه دستور ویرردی او ایسته یی یئرینه یتیرسینلر
بیر گون فتحلی شاه اوز توتور آغا بئیم خانما و دییر قره باغین نمنه سین گویلون ایستییرکی بوردا یوخدی
آغا بئییم دئییر قره باغین طبیعتینن بیر گوشه بوردا منه گورسد
بیر مدت صورا شاه بیر گوزل یام یاشیل و بویوک بیر باغ سالدیریر و دستور وئریر قره باغدا هر نمنه وار بو باغدا اکسینلر
شاهین خدمه لری قره باغین هر گولونن نمونه گتیریب و بو باغدا اکیللر
ولی خاری بلبل بیتمیر چونکی خاری بلبل بیر گل دی کی تکجه قره باغدا بیتر
گون او گون اولار کی آغا بئیمی آپاراللار کی گل قره باغین طبیعتین گتیرمیشیخ تهرانا
آغا بئیم باغین هر یئرین دولانار و صونرا بو شعری یازار
وطن باغین آل الواندیر
یوْخ ایچینده خاری بـولبول،
نه دن هر یئرین آل قاندیر
کوکسون آلتی ساری بولبول
سحرین گلشن چاغیندا
نه گزیرسن باقی بولبول
اوخودون عقلیم آپاردین
اولدون منه یاقی بولبول
بولبول سن نالا چکیرسن
گوز یاشین گیله توکورسن
اون بیر آی جفا چکیرسن
بیر آیی دا زاری بولبول
بولبول گییبسن آل یاشیل
قوللارین بوینومنان آشیر
آقلاماخ منه یاراشیر
قوی آقلاییم باری بولبول
بولبول سنی کیم اوچورتدو
کیم دالدان دالا قاچیرتدی
کیم سنه باده ایچیرتدی
کیملر اولدو ساقی بولبول