بو سئوگیدن سن قورخورسان عیبی یوخ
من سئورم ایکیمیزین یئرینه
بو عشق اوچون بیر گون دارا چکسه لر
من گئدرم ایکیمیزین یئرینه

مین عذابدیر سنسیز کئچن هر گونوم
اونوتموشام یاخشی یامان فرقینی
بو سئوگینین داغ اریدن دردینی
من چکرم ایکیمیزین یئرینه

گول دئییرم گول قلبینه دییرم
من سنینچون تانری یازان شعیرم
دوداقلارین اینجیمه سین دئییرم
من اوپرم ایکیمیزین یئرینه

طالعیمده سون آچیلان گولومسن
سوزوب قارا گوزلرینی گولومسه
بو سئوگینین سونو اگر اولومسه
من اولرم ایکیمیزین یئرینه

"نصرت کسمنلی