زندگی نامه ی «استاد میرزا محمّد بخشی»

   ادیب گرانمایه،زنده یاد استاد «محمّد بخشی» از شاعران خطه ی نادره پرورآذر بایجان، انسانی روشن ضمیر، خوش خلق و متواضع بود که درسال «1308»هجری شمسی، در روستای « دیزج صفر علی» در حدود دو کیلومتری شمال شرقی شهرستان ورزقان چشم به جهان گشود.

   طبیعت بکر و موزون ارسباران از وی انسانی رئوف و شاعری 

بلند آوازه ساخت.اکثر اشعار استاد بخشی به زبان شیرین ترکی و درقالب های ادبی این زبان مانند «قوشما» ، «چارپاره» ، «مخمّس» ، «غزل» و ...و با شیوه ای دلنشین،ساده و روان سروده شده است.در کنار این دهها غزل،مثنوی و رباعی به زبان فاخر فارسی از ایشان به یادگار مانده است.سطح بالای مطالعات و معلومات استاد بخشی، دست خط زیبا وهنری ایشان،بیان دلنشین و شیوا و هم چنین سیمای جذاب و ذوق و استعداد خدادادی ، از ایشان شخصیتی جذاب و به یاد ماندنی در میان عوام وخواص ساخته اند.گلچینی از اشعار استاد، با عنوان «دونیا یورغونی» در 292 صفحه به زبان ترکی در قطع وزیری در سال نود ویک توسط انتشارات اختر در تبریز به چاپ رسیده است و مورد استقبال بی نظیر اهالی علم و ادب قرار گرفته است. 

   استاد محمد بخشی در چهارمین روز فصل برگ ریزان سال 88 ، همزمان با مهاجرت پرستوها در بیمارستان امام رضا (ع) شهر تبریز به جوار رحمت الهی کوچ کرد وبنا به وصیّت خویش در زادگاهش به خاک سپرده شد.

هانی بیر یار وفا دار کی بیزه یار اولسون
دیلی مجروحی میزه دیل وئریبن زار اولسون
وئرمه نادانه کونول سیررینی آگاه ائتمه
دئمه عشق اهلی گرک دهرده بی عار اولسون
آرزوم دو وطنیمده یاشییان هر بیر کس
غزله موسیقییه شعره هوس کار اولسون
هره نین هرنه گلیر عقیلینه ایفاء ائله ییر

موسیقین ضای ائله سک بیزلر ایچون عار اولسون
ای جونلار سیزی تانری سیزه جانیم قوربان
قویمایین سیز بو موغاماتیمیزی خار اولسون
غزللر سادلشیب آز ده فضولی ائشیدر
منجه عشق اهلی گرک اصلی خریدار اولسون
واحیدین اینجه غزل ساده گوزل شعرلری
خلق آراسیندا گوروم دایم اونو وار اولسون
دئمه زولفی له سید گئتدی بیلن لر یوخدور
ایسته ییرسن سه بویور سؤیله ییم آشکار اولسون
حاجی آز سوئیله دیه للر بیزی تبلیغ ائلییر
چاره یوخ گلسه علسگر یادا جبار اولسون

خلقین ایمانینی گر مکر ایله شیطان آپاریر

اول پری چئهره نه دندیر کی بس ایمان آپاریر

ای کامان قاشلی! منی یارالادی غمزه ن اوخو

زولفونو باس یاراما، قویما منی قان آپاریر

دل چکر جانی سر کویونا ذبح ائتمک ایچون

سانکی حجّاج منا داغینا قوربان آپاریر

عشقدیر الدن آلان دین ایله ایمانی، ولی

خلقدن توهمت بیهوده نی صنعان آپاریر

زاهد اول زولفونی روخساریده گوردوکده، دئدی:

"بو، او هندو بچه دیر، مکتبه قرآن آپاریر

کیمسه کیم گئیمه میدان محبّتده کفن

اونو معشوقِ ازل، محشره عوریان آپاریر

چکمه یین "سیّد" لامذهبی مئیخانه ساری

کافری کعبه آرا هانسی مسلمان آپاریر

ایسته سن قشنگ گوزون اولا

گوزلرونان مردومون یاخجی ایشلرین آختار

ایسته سن قشنگ دوداقین اولا

مردومونان مهربانلیقینان دانیش
و ایسته سن ارزشو حفظ الیه سن

اوجور یول گید کی انگار هیچوقت

تک اولمویوبسان و تک دییسن و تک اولمویاجاخسان

جمال ائشگی

سحری آچـــــــاندا طـــــوئله قاپیسین 

سسیمه سس وئـــــرر جمال ائشگی

نــــــریلدار گـــورولدار کیف احوال ایلر

منه اؤه رک وئـــــــــــرر جمال ائشگی

اوجـــــــــا سسله دییر یورولمویاسان

من کــــــــی سسلنیرم داریخمیاسان

مـــــــــالدارریخ ایشینده کریخمیاسان

گؤررم حق سوز دئییر جمال ائشگی

نـــفــــســـیـــم گــــئییر سسی گلنده

تسکین وئــــــرر آغلیانــــــــــدا گولنده

ســـــــحر صبحی من طوئلییه گیرنده

درد دل ائــــیـــــــلـــــــر جمال ائشگی

دییر بیللم ائوده خوش گونون یوخدی

زمانه خـــــــرابدی موشکلون چوخدی

کهنه دوستلار سنه ایری ایریباخدی 

دوســـــت غمینی یئیر جمال ائشگی

من نن دانیشاندا ائشک یــــولداشیم

آز قـــــاللام سسینه دوواردان آشیم

اللشرم بـــــــیـــــر آز آرتیق چالیشیم

منه احسن دیـــــیــــــر جمال ائشگی

گـــــؤرم سؤزلرینده بـــــخالت یوخدی

دوزگون سؤزدانیشارصداقت چوخدی 

 دییَــــر بعضی لرین سؤزلری اوخدی

حقیقت ســــــؤیـلـیـیَــر جمال ائشگی

کاش بیزده ده بـخل و حسد اولمویا

قونشو قونشوسونا تــــــله قورمویا

پیس گونونده دالـــــدالانیب دورمویا

اونــــــدا حسرت چکر جمال ائشگی

"بخشی"دئیر سنین قدریوی بیللم

گور سسین گلنده سوینجی گوللم

منن دانیشماسان داریخیب اوللم

دوباره سس ویرر جمال ائشگی

اما جریان شعر جمال ایشگی اینست که شاعر همسایه یی به نام جمال داشت که صاحب خری بود
 و دیواره کاهگلی بین طویله های آن دو در اثر قدمت زیاد
سوراخ شده بود بدین ترتیب که هر وقت شاعر صبح زود در نیمه تاریکی وارد طویله ی
خود می شد و لامپ را روشن میکرد و نور لامپ که از سوراخ به طویله ی جمال می افتاد
 خر جمال فکر میکرد که صاحب او آمده است و شروع به عرعر کردن میکرد
 که شاعر این گفتمان را به نظم در آورده است......................

بیر نفر وار سنین عشقینده یانیر تبریزده

بیر نفر سندن اؤتور خالقی دانیر تبریزده

سؤزوموز ایندی اسیر هر کوچه ده،هر باجادا

گؤر خبرلر نه یامان تئز جالانیر تبریزده

سینم"ارک"این دؤشو تک شان شان اولوبدور سنسیز

اودو کی دردیمی بیر ارک قانیر تبریزده

او قده ر دیلده آدین شهری دولاندیم گئجه لر

سنی حاتتا خیاوانلاردا تانیر تبریزده

هئچ بیلیرسن نه اوچون من گئجه لردن قاچیرام؟!

چون گونش یاتماغیلان درد اویانیر تبریزده

ائله روحوم دولانیر هر سحر آخشام باشینا

سانکی "شمس"این باشینا آی دولانیر تبریزده

قورخورام گؤز ده یه اوندان دی سنه گل دئمیرم

سنه هر گون نئچه عاشیق یارانیر تبریزده

تئل لرین هر گئجه مین یول داراییرسان یوخسا

هر گئجه مین دفه آی پارچالانیر تبریزده

شهریزه نور جالاییرسان،شوکور..."ائلمان"دا هله

عشقینین کؤلگه سینه دالدالانیر تبریزده

قوروق چی یا قوروقچی یانی بیر نفری کی بیر معین و قراردادی پول یا اکین تنگاهی مثل بوغدا یا یونجانین برابرینده بیر محدوده نی کی اکین یا اوتلاناجاق یئرلرینن اولار قورویار
یانی قویماز او محدوده ده بیر چوپان یا معمولی مال قویون اوتاران اوزگه نین یئرین اوتارا و هر مال قویون اوتاران فقط گرگ اوز زمیسین یا اوتداناجیغین و یا ایل یئرین اوتارا
اگر باخماسا قورقچی اول سسلر
صورا یانینا گیدر قورخودار
و اگر سوزه باخماسا قوروقچونون حقی وار اونو تنبیه بدنی الیه
مثلا بعضی یرده تیکان ایخله در
یانی ایاق یالین گرگ چیخا تیکانلارین اوستونه تا بیرده اوزگه زمیسی اوتارمیا

حمیده رئیس زاده شعر خزان

گئنه نیسگیل لئچگین سالدی خزان
اچمامیش غنچه لری چالدی خزان
منی ده جایناغینا آلدی خزان
یاشیل احساسلی چمن ساخلا منه
..
یالانا دوزلوک اوخو ائتسه اثر
گول بیتیب ، غنچه گولوب ، آچسا سحر
بیرده گؤرکملی اوره ک گؤرسن اگر
او اوره کلرده وطن ساخلا منه
..
سؤزلرین سینه لره کؤز قالادار
دویغونون توشگولو کؤزدن جالادار
اونداکی سؤز گونشی چالخالادار
سؤزده اولدوز کیمی دن ساخلا منه
.
دایاغ عونوانلی داغ آواره سی یم
قارا گونلرده آغ آواره سی یم
بیر گولوشلوک دوداغ آواره سی یم
غملره قارشی گولن ساخلا منه
..
دئمیرم خوشلوغا یاد ائت یادا سال
غم اؤنونده آدیمی فریادا سال
منی ده غم بؤلوشنده آدا سال
بیر اوره ک پایلی محن ساخلا منه
..
بیر دایان ، ذیروه یه دیز قوی گلیرم
سانماکی خسته یم ، ایز قوی گلیرم
بیر چاناق سؤزده دئنیز قوی گلیرم
بیر دؤیوش مئیدانی چن ساخلا منه
..
اوجالیقلاردا ایزین وار دئیه رک
چیخارام داغلارا یار – یار دئیه ره ک
گله رم غربت ائوین دار دئیه ره ک
وطن عونوانلی کفن ساخلا منه

جانیمین جوهری اول لعل گهربارا فدا
عُمرومون حاصلی اول شیوۀ رفتارا فدا
درد چکمیش باشیم، اُول خال سیه قربانی
تاب گورموش تنیم، اُول طرّۀ طرّارا فدا
گوزلریمدن توکولن قطرۀ اشکیم گُهری
لبلریندن ساچیلان لؤلؤءِ شهوارا فدا
چاک سینَمده اولان قانلی جگر پاره لری
مست چشمینده اولان غمزۀ خونخوارا فدا
پاره پاره دل مجروحِ پریشانیمدان،
سر کویوندا گزن هر ایته بیر پارا فدا!
جان و دل قیدینی چکمکدن اوزوم قورتاردیم
جانی جانانه یه ائتدیم، دلی دلدارا فدا!
ای فضولی نولا گر ساخلار ایسم جانی عزیز
وقت اولار کیم اولا بیر شوخِ ستمکارا فدا
 

پریشان حالین اولدوم سورمادین حال پریشانیم
غمین دن درده دوشدوم قیلمادین تدبیر درمانیم
نه دئرسن روزگاریم بویله می کئچسین گوزل جانیم؟
گوزوم جانیم افندیم سئودیگیم دولتلی سلطانیم
اسیر دام عشقین اولالی سن دن وفا گورمن
سنی هر قاندا گورسم اهل درده آشنا گورمن
وفا و آشنالیق رسمینی سن دن روا گورمن
گوزوم جانیم افندیم سئودیگیم دولتلی سلطانیم
دیر هر دم وفاسیز چرخ یاییندان منا مین اوخ
کیمه شرح ائیله ییم کیم محنت و اندوه و دردیم چوخ؟
سنه قالدی مروت سندن ئوزگه هیچ کیمسه م یوخ
گوزوم جانیم افندیم سئودیگیم دولتلی سلطانیم
گوزومدن دم به دم باغریم ازیب یاشیم گیبی گئتمه
سنی ترک ائتمه زم چون بن بنی سن داخی ترک ائتمه
اماندیر ظالیم اولما بن گیبی مظلومی اینجیتمه
گوزوم جانیم افندیم سئودیگیم دولتلی سلطانیم
قاتی کونلون نه دن بو ظلم ایله بیداد راغیبدیر
گوزل لر سن گیبی اولماز جفا سن دن نه واجیبدیر؟
سنین تک نازینه نازنین ایش لر مناسیبدیر
گوزوم جانیم افندیم سئودیگیم دولتلی سلطانیم
نظر قیلمازسان اهل درد گوزدن آخیلدان سئیله
یامان لیق دیر ایشین عشاق ایله یاخشی می دیر سویله؟
گل اللاهی سئورسن عاشقه جوور ائتمه لطف ائیله
گوزوم جانیم افندیم سئودیگیم دولتلی سلطانیم
"فضولی" شیوه ی احسانین ایستر بیر گداییندیر
دیریلدیکجه سگ کویون ئولن ده خاکپاییندیر.
گرک ئولدور گرک قاو حکم حکمون رای رایینیدیر
گوزوم جانیم افندیم سئودیگیم دولتلی سلطانیم

فضولی

ده ده قورقود
سازی باس باقرووا دومرول دیریلسین
بیر دویوش هاواسی چال دده قورقود
دلی لر سس وئرسین سسیم اوجالسین
سوزومنن  سوزولسون بال دده قورقود
بیرسس سیز سمیرسیزدیاردا قالدیم
سسیمی ساوالان داغینا سالدیم
ساوالان اوجالدی منده اوجالدیم
قویمادیم قد اولا دال دده قورقود
سازی باس باقرووا بیرچکیم هارای
سومریم .اوغوزوم .اؤزبکیم هارای
قالمیشام دوستاق دا بابکیم هارای
بیر دوئوش هاواسی چال دده قورقود
حاققیمی تولکولرچاققاللار یییر
منه یازیازلارا قارداشیم دییر
اگنیمی چیخاردیپ اگنینه گییر
دیمیسن حاققینی آل دده قورقود؟
آلیرام سازی چال چال دده قورقود
گورورم اصلینه قایدیب ائلیم
ائلیمین گوجونه باغلیدیر بئلیم
اؤظولمو ظالیمین بومنیم سئلیم
بوسئلده دایانارسال ده ده قورقود
بیردویوش هاواسی چال ده ده قورقود

هوشنگ جعفری

زلیم خان یعقوب

داغلار منه گل - گل دئسه اۆره‌کدن،

گلیب ائله بۇ یئرله‌رده قالاردێم،

طبیعتله سئوینجیمی، دردیمی،

بؤلۆب ائله بۇ یئرله‌رده قالاردێم،

نفسیمده یاشاداردێم عطرینی،

عزیزله‌ردیم چیچکلرین خطرینی،

عؤمرۆن - گۆنۆن قیمتینی، قدرینی،

بیلیب ائله بۇ یئرله‌رده قالاردێم،

نه گؤزه‌ل دی بۇ یئرلرین لالاسێ،

من گئتسه‌م ده کؤنلۆم بۇردا قالاسێ،

سئوسه منی بیر نامردین بالاسێ،

اؤلۆب ائله ائله بۇ یئرله‌رده قالاردێم،

عاصم اردبیلی 
آغلامازدیم زامان آغلاتدی منی
دوز یولوندان آزان آغلاتدی منی
گؤردوم حسرتدی همالر سوموگه
ایشله ییر شاختا سوموکدن ایلیگه
دوزوموزده اه ییلیر ایری لیگه
قالدی قانماز ، قانان آغلاتدی منی
آغلامازدیم زامان آغلاتدی منی
تک صبیر گلدی دئدیم ایش دوزه له ر
قار گئده ر ، زور ارییه ر ، یاز دا گله ر
نه بیلیم یازدا بوران باغری ده له ر
یوخا چیخمیش گومان آغلاتدی منی
آغلامازدیم زامان آغلاتدی منی
دئدیله ر بیر گون اولار ساز حالیمیز
قیتدیق اولسا واریمیز یاغ بالیمیز
ایندی کی اون تک اولوب ساققالیمیز
بو یالان سؤز یامان آغلاتدی منی
آغلامازدیم زامان آغلاتدی منی
ظن ائدیردیم آغیر اولسا یارالار
یارالار آغریسین آنجاق یار آلار
نه بیلئیدیم اوره یی یار یارالار
بیلمه مه زلیکدی قان آغلاتدی منی
آغلامازدیم زامان آغلاتدی منی
اره لر توشدو کو جنگل جانینا
تولکولر تور توخودو اصلانینا
طرلانین اووچو باتیرجاق قانینا
اوخدان آرتیق کمان آغلاتدی منی
آغلامازدیم زامان آغلاتدی منی
اریمه ز قالدی بئیین ده بوزوموز
گؤیده سایریشمادی بخت اولدوزوموز
نه قویون قالدی نه املیک قوزوموز
قوردا به نزه ر چوبان آغلاتدی منی
آغلامازدیم زامان آغلاتدی منی
من دئدیم باغلاسا یادلار قولومو
دایاغیم وار قورویا ساغ سولومو
قوپدو بیر کن کی ایتیردیم یولومو
داغا باخدیم دومان آغلاتدی منی
آغلامازدیم زامان آغلاتدی منی
وای بیزه اولدی پوزولماز یازیمیز
مضراب اود توتدی قیریلدی سازیمیز
قالدی قیشلانمادا عاصم یازیمیز
یازی گول سوز یازان آغلاتدی منی
آغلامازدیم زامان آغلاتدی منی

داغین اوسته اوتوروپ بیر قوجا صحرایه باخیر 

او گچن گونلرینی یاده سالیپ فیکره باتیر 

دییر او اوز اوزونه گچدی جاوانلیق چاقی دا 

صف چکیپ خاطره لر غملی گوزوندن یاش آخیر 

او گوزل گونلرینی یاده سالیر عشقینی ده 

یوزو غم حالتی توتموش اوره گی غمله یانیر 

توتور آهسته سازین اللرینه ال تیتیریر

اوخوماق ایستییر اما سسی زنداندا قالیر 

آهیله یالواریر آلاها کی آلسین جانینی

سسی چیخمیر تیتیرن اللریله سازی چالیر

گوزلرین باغلادی گوردی دلبرین صورتینی 

بیلدی پیمانه سی دولموش یار اونا غمزه ساتیر

آچیپ او گوزلرینی یازدی داغین سینه سینه 

گلمیین تاریم اشیتدی سسیمی جانیم آلیر 

ظارافات ائیلمه

ظارافات ائیله‌مه قۇربانێن اوْلۇم،

بۇ دۇنیا ظارافات مئیدانی دئییل،

قارێشقا یئریشی راحات یئریش دی،

بو مئیدان کؤهله‌ن آت مئیدانی دئییل،

اوْینادێب چوْخ شئیی اۇمار اوْیناما،

ائتسه ده رۇحونو خۇمار، اوْیناما،

سن بۇ قۇمار بازلا قۇمار اوْیناما،

ظارافات گلمه‌سین سنه بۇ دونیا،

چوْخ یئرده قبرینی قازان اوْلاجاق،

باشێن قایناماغدان قازان اوْلاجاق،

سانما یاشاماغێن آسان اوْلاجاق،

ظارافات گلمه‌سین سنه بۇ دونیا،

یوْخسۇللوق یوْخسۇلون باغرێنا اوْخدۇ،

معده‌سی توْخلارێن مزه‌سی توْخدۇ،

فیل وار قارێشقاجا حؤرمه‌تی یوْخدۇ،

ظارافات گلمه‌سین سنه بۇ دونیا،

استادکریم مشروطه چی

بیر گویرچین کیمی دنسیز له میشم
بولبولم یازدا جمن سیز له میشم
اسکی دن شانلی – شرفلی ائل ایدیم
ظالیمه قارشی آمانسیز سئل ایدیم
زیروه سی چنلی – دومانلی بئل ایدیم
ایندی مدتدی کی چن سیز له میشم
منده اردملی ارن لر یاشامیش
ستارا ؛ بابکه تنلر یاشامیش
او قدر ائل جه بیلن لر یاشامیش
ایندی من ارسیز ؛ارنسیز له میشم
دردمین یوخ آدی ؛ عنوانی دئسم
حیرته دالدیرار انسانی دئسم
باشقا بیر سوزله بو معنانی دئسم
اوز دیاریمدا وطن سیزله میشم
درد منی یاندیریر آمما اودو یوخ
اودور آغزیمدا حایاتین دادی یوخ
دئمیرم دردلر ایچینده آدی یوخ
دئییره م من بئله منسیز له میشم
آی منیم منلیگیم ؛ امدادیما یئت
بیر جه گل من له قوووش دادیما یئت
منی باس باغرینا فریادیما یئت
بیلمیسن کی ؛ نئجه سنسیز له میشم .

عاصم اردبیلی

فلکین قانلی الیندن
بیر آتیلمیش یئره اندی
بیر فلاکت آنانین جان شیرسیندن سوتون امدی
بوللو نیسگیل شله سین چیگنینه آلدی
تای توشوندان دالی قالدی
ساری گول میثلی سارالدی
گونی تک باغری قارالدی
درد الیندن زارا گلدی
گونی گوندن قارا گلدی
خان چوپانسیز سئله تاپشیرسین اوزون،
یوردوموزا بیر سارا گلدی.
بیر وفاسیز یار الیندن،
یارا گلمز سانا گلدی
بیر یازیق قیز جان الیندن
جانا گلمز جانا گلدی
گئجه چکده الموت دامنه سیندن بورایا درمانا گلدی
بیر آدامسیز سوری آدلی
الی باغلی، دیلی باغلی.

سوری کیمدی؟
سوری بیر گولدی، جهنمده بیتیبدیر.
سوری بیر دامجدی، گؤزدن آخاراق اوزده ایتیبدیر.
سوری یول یولچوسودور ایری ده یوخ دوزده ایتیبدیر.
سوری بیر مرثیه دیر اوخشایاراق سوزده ایتیبدیر.
او کونول لرده کی ایتمیشدی ازلدن، اودو گؤزدن ده ایتیبدیر.
سوری بیر گؤزلری باغلی، اوزو داغلی، سؤزو داغلی
اولوب هاردان هارا باغلی.
 
بوشلاییب دوغما دیارین، اوموب البته یاریندان
ال اوزوب هر نه واریندان
قؤرخمایب شهریمیزین قیشدا آمانسیز بؤرانیندان نه قاریندان.
گزیر آواره تاپا یاندریجی دردینه چاره، تاپا بیلمیر
چؤخ سویر عشقی باشیندان آتا آمما آتا بیلمیر.
اووا باخ اووچی دالینجا قاچیر آمما چاتا بیلمیر
ایش دونوب، لیلی دوشوب چؤللره مجنون سوراغیندا
شیرین الده تئشه، داغ پارچالاییر، فرهاد اوتورموش اتاقیندا.
تشنه لب قو، نئجه گور جان وئری دریا قیراغیندا
گؤزده حسرت یئرینی خوشلاییب، ابهام دوداغیندا.
وارلیغین سؤن اثری آز قالیر ایتسین یاناغیندا
سانکی بیر کؤزودی بورونموش کوله وارلیق اوجاقیندا
کؤزه ریر پیلته کیمین یاغ تؤکه نییب دیر چراغیندا.
بوی آتیر رنج باغیندا، قؤجالیر گنچ چاغیندا

بیر آدامسیز، سوری آدلی
الی باغلی، دیلی باغلی.
سوری جان اومما، فلکدن، فلکین یوخدی وفاسی
نه قدر یوخدی وفاسی او قدر چوخدی جفاسی
کوهنه رقاصه کیمین هر کسه بیر جوردی اداسی
او آیاقدان دوشه نی ایستیر آیاقدان سالان اولسون.
او تالانمیشلاری ایستیر گونی گوندن تالان اولسون
او آتیلمیشلاری ایستیر هامیدان چوخ آتان اولسون.
او ساتیلمیشلاری ایستیر قول ائدر کن ساتان اولسون.
نیله مک قورقو بوجوردور، فلکین نظمی ازلدن
اولوب اضدادینه باغلی
قره سیز، آغلار اولانماز
دره سیز، داغلار اولانماز
اولوسوز، ساغلار اولانماز
گرک هر بیر گوزه له، بیر دانا چرکین ده یارانسین
بیری انسین یئره گؤیدن، بیری عرشه اوجالانسین
بیری چالسین ال-آیاق غم دنیزینده
بیری ساحیلده سئوینج ایله دایانسین
بیری ذیللت پالازین باشه چکیب یاتسادا
آنجاق بیری نین بختی اویانسین
بیری قویلانسادا نعمت لره یئرسیز
بیری ده قانه بویانسین

آی آدامسیز، سوری آدلی
ساچلاریندان دارا باغلی.
نیله مک ایش بئله گلمیش، چور گلنده گوله گلمیش
فلکین اگری کمانیندا اولان اوخ آتیلاندا دوزه دگمیش
دیلسیزین باغرینی دلمیش اگری قالمیش دوزی اگمیش.
اونو خوشلار بو فلک ائل ساراسین سئللر آپارسین.
بولبول حسرت چکه رک گول ثمرین یئللر آپارسین.
قیسی چوللرده قویوب لیلی نی محمل لر آپارسین
خسروی شیرین ایله نن ال اله وئرسین.
فرهادین قامتین اگسین.
باخاراق چرخ زامان نشئه یه گلسین، کئفه دولسون
سوری لار سولسادا سولسون
بیری باش یولسادا، یولسون
سیسقا بیر اولدوز اگر اولماسا اولدوزلار ایچینده،
بو سما ظلمته باتماز
داش آتان، کول باشی قویموش، داشینی اوزگه یه آتماز.
سن یئتیش سون هدفه، اوندا فلک، مقصده چاتماز
داها افسانه یاراتماز
سوری آی باشی بلالی،
زامانین قانلی غزالی.

سوری بیر قوشدو خزان آیری سالیبدیر یوواسیندان
ال اوزوبدور آتاسیندان
جوجه دیر حیف اولا سوت گورمه‌ییب اصلا آناسیندان
او زلیخا کیمی یوسیف ایین آلمیر لیباسیندان،
بونا قانع دی تنفس ائله ییر یار هاواسیندان،
درد وئرن درده سالیب آمما خبر یوخ داواسیندان،
آغلاییب سیتقایاراق بهره آپارمیر دوعاسیندان،
او بیر آیینه‌دی رسام چکیب اوستونه زنگار،
اوندا یوخ قدرت گفتار،
اوزو چیرکین دیلی بیمار،
گنج وقتینده دل آزار،
گوره سن کیمدی خطاکار،
گوره سن کیمدی خطاکار؟