ورزقان
ورزقان
دومان قاچيپ گونش ساچيپ گل آچيپ آرزووا چاتيپسان اينان ورزقان
قوچاقلار يوردوسان اذل بنادان بوردان قالخيب قوچ ستارخان ورزقان
اسپهبد نشينسن آدين سانين وار وطني سونسن دوز اقرارين وار
مغرور سان اسلامي انقلابين وار تاپيليپ درديوا درمان ورزقان
شاعير بوني يازير گلير هوسي سردار ارشد آدي يوردومون بسي
شارابنل توپونون هنوز وار سسي سنده واردي بئله انسان ورزقان
عاليملرين شهرتليدي شانليدي سنين جعفرين وار آدي بلليدي
گللي ييلاغلارين آغير ائلليدي صداقت يوردوسان اينان ورزقان
سكيز يوز ايل،سن ميلاددان قاباقسان غيرتيلن سن وطنه داياقسان
دين يولوندا ياتمييپسان اوياقسان دنيا واردي سنه حيران ورزقان
بزكلي ئولكن وار وقارلي ائلين يا مهدي دمگه اُرگنيپ ديلين
يوزلرله ييلاغين چيچكلي داغين گل چيچكدي باغدي بستان ورزقان
ييلاغيندا دؤشَر اوبالا ر ائللر اهر چايين آخير گل آچير چوللر
داغلاريندا اوخور قمري بلبللر بيلديرچينلر ايلر فغان ورزقان
سنين سونگوننده مس معدنين وار قهرمان يوردوسان قوچاق ائلين وار
مينلرله جانبازين مجاهيدين وار دين يولوندا وئردين قربان ورزقان
مشروطه سرداري سنه افتخار سنده وار دنيا جان شرافت وقار
قيش سوووشوب گليب غنچه لي بهار داغلاريندا گزير جيران ورزقان
چيچكلي جنگلين گللي ييلاغين قزيل معدنين وار افتخارين
چيچكلين وارهفت چشمن وارهرزادين سني تحسين ائدر جهان ورزقان
سنين سقينديلده اولان كتيبن اورارتو نسليندن دئير منم من
آغجه قلعه جوشون قلعن بوز تپن سنده واردي قديم نشان ورزقان
قوچاق انسانلاردان وارسان يادگار بو حماسه واردي سنه افتخار
اسلام مكتبليسن ديار بَه ديار سندن اسگيك دئير ايمان ورزقان
سنين واردي نئچه زيارت گاهين طبيعتده يوخدي كمترين آهين
داغلاريوي بزر مارال جيرانين سني تعريف ائدر هر آن ورزقان
آذربايجان آيدان گوندن دورودي حقيقت يازيرام سُوزوم دوغرودي
قهرمان پروردي قوچاق يوردودي بوردان الهام آلير دوران ورزقان
شكر اولسون اللاها يوخوندي غمين ايندي يئرين آليپ گوزل نييتين
شاعر "بخشي" بئله كسير صحبتين عدالت يوردودي اينان ورزقان
استفاده از این شعر فقط با نام شاعر آن مجاز میباشد