ائل سوزی

اویاتما مورگوللو خاطیره لری

سسین همین سس دیر باخیشین اؤگئی

گئدیرسن سسینده یاد اولسون باری

یوللار تک دؤشه نیم آیاقلارینا

سنه یالواریم می؟ بو ممکن دئییل

قویمارام قلبیم تک ووقاریم سینا

آلچالیب یاشاماق عؤمور ، گون دئیل

دئمیرم سن اوجا بیر داغسان اَییل

دئمیرم علاجیم قالیبدیر سنه

نه سنده محبت قارا پول دئییل

نه من دیلَنچی یم اَل آچیم سنه

گئتمک ایسته ییرسن او یول اودا سن

بیر جوت گؤز باخاجاق دالینجا آنجاق

گئتدین می ؟بیر داها دؤنمک ایسته سن

تیکانلی یاستیغا دؤنه جک یئرین !

گئتمک ایسته ییرسن نه دانیش نه دین

یوخ اول اوزاغلار تک دوماندا چنده

نه ییمی سئومیشدین دیه بیلمه دین

ایندیسه یوز عئییب گوؤرورسن منده

نصرت_کسمنلی